Bilder vom Mundart-Owed

      

    

Viel Schbaß beim Agugge

Neues aus de Schul

Mittlerweile ischs so weit, dass mer unser neie CD vom zwoide Mundart-Owed ferdich gschdellt hen. Ab sofort kammer se zum Preis von fuffzeh Euro bei uns kriege. Weil de Mundart-Owed so lang gange isch, ischs widder e Dobbelde worre mit üwer zwoi Schdunn beschde Mundart-Unnerhaldung.

Also scheniered eich net un bschdellet, solang mer noch von denne Dinger hen. En kloiner Gschenk-Tipp: A nach Weihnachde isch vor Weihnachde!! Un moischdens kommts schneller wie mer denkt.

E kloins Gedichtle noch zum Schluss, weil e scho länger koins meh do nei gschriwwe ghatt heb, quasi als Gruss zum neie Johr:

Januar

Jetz ischer noch dick,

der Kolenner

awer mit de Zeit werder alfort

denner un denner.

Bal siehsch bloß noch oi

gotzichs Bläddle dra henke.

Am Beschde lasch der en neier

uf Weihnachde schenke.

Awer ehb’s so weit isch, bis dort na

gebts viel zu erlewe un zu begaffe

viel selwer zu worschdle un zu schaffe.

Drum schbuck en d Händ un fang a!!! 

Schbende-Üwergabe

Am Nikolausdag hat sich die Alt-Neereder Schul im Neereder Gemoindehaus eigfunne um Bescherung zu schbiele.

Der Reinerlös aus unserm Mundart-Owed, ’s ware insgsamt 800 Euro, isch in Awesehoit vom Ortsvorschteher Jürgen Stober an de Kirchegemoinderat Herr Lothar Meinzer als Vertretung für de Herr Pfarrer Hildbrand üwergewe worre. Des Geld soll jetzt mit dezu beitrage, dass die erforderliche Renovierungsarboide am Gemoindehaus baldmöglichscht durchgführt werre könne. Wenn dodevo a die Bühn betroffe isch, hemmer jo selwer a noch was devo.

Übrichens isch an unserm Mundart-Owed a widder s Band mitgloffe, so dass mer demnägscht a Toile devo (de ganz Owed wär oifach z lang) uf ere Doppel-CD abiede könne. Mir hoffe, dass mer se noch rechtzeidich vor Weihnachde ferdich kriege. Gugget oifach als von Zeit zu Zeit rei, odder machet e Vorbeschdellung per e-Mail (Alt-Neereder.Schul@arcor.de).

So, jetzt musse weider mache, sonscht werds nix meh mit de CD vor Weihnachde.

Servus, sagt eich

de Roland