’s Erbdande-Drama

De Vorverkauf isch zwischezeitlich agloffe un macht sich ganz gut. For die wo noch u’entschlosse sin (odder for die Annere, wo e bissle neigierich sin -gell, Erich-) gebt’s jetzt noch e korze Inhalts-A’gab von dem Schdückle:

De Paul hat’s net leicht. Als elloi lewender Junggsell hadder schdändich Schtress mit seinere paforschde Haushaltshilf, de Inge. Zur Abwechslung schbielder als gern emol en richdicher Männer-Skat mit seine Kumbels, em Bruno, em Willi un em Hans.

Zu allem U’glück hat sich a noch sei Erbdande Isolde zu’eme 2wöchige Bsuch a’gmeldt, weil in derre Zeit ihre Wohnung renoviert werre soll. Des isch for de Paul e echdes Problem, weil er seinere Dande e richdiches Familielewe mit Fraa un drei Döchder vorg’schwindelt hat um uf die Art zu’eme vorgezogene Erbausgleich zu komme, was ufgrund von dodrufna erfolgte regelmäßiche Zuschüss von de Dande zu Hochzich, Kindsdorfede, Aussschdeier un so fort a ganz gut glabbt ghat hat.

Jetz isch nadierlich guder Rat deier. Die Dande soll morje scho komme un de Paul hat koi Familie vorzuweise.

Nochfroge bei de Inge und de Beate –des isch die Fraa von seim Kumbel Bruno- quasi als „Leasing-G’schäft“ for 2 Woche die offene Schdell als em Paul sei Ehefraa zu üwernemme, bringe loider net des g’wünschde Ergebnis. A de Hans, de jüngschde von seine Skatfreind, möcht uf den Vorschlag, dass er vorüwergehend ’s G’schlecht wechsle und sich als Pauls „Fraa“ de Dande bräsendiere soll, net ei’geh.

Dann ischer do, der Dag, wo die Dande kommt. De Paul versucht gschwin’ noch emol, die Beate dorch e höchere Leasing-Rate von ihrem „Eheglück“ zu üwerzeige. Desmol glabbts un er bringt se in sei Wohnung, bevor er die Dande vom Bahhof abhole will. Awer was muss er do erlewe? Die Dande isch frieher komme wie gedenkt und isch derweil scho von seinere „Ehefraa“ Inge empfange worre. Awer des isch erscht de A’fang! Nooch un nooch erscheine a noch die „schwarz Hannelore“ un die „sieße Wilma“ un behaupde alle, em Paul sei rechtmäßiche Ehefraue zu sei.

Schließlich kommt a noch de Dande Isolde ihre Vermögensberaterin, die Frau Felicitas Merz-Aster direkt von de Frankfurter Börse, weil se dringend ebbes Wichdiches mit de Dande Isolde beschbreche muss.

Wie sich des alles zum Schluss ufleest, wille do jetzt net verrohde, bloß so viel wille noch sare: ’s gebt for oiniche von dennne bedoilichde Persone durchaus so ebbes wie e „happy end“. Zumindescht for eich als Zuschauer werd’s so sei, wenn der eich des „Drama“ agugget. Ich hoff bloß, dir hend dann alle d Daschediecher debei, wenn’s hoißt

„Bühne frei für ’s Erbdande-Drama“

Viel Vergniege wünscht eich

de Roland

Termine, Termine …

Liewe Leit,

grad hawwe midem Eckl Helmut gschwätzt, dir wissed jo, des war unser Gascht beim ledschde Mundart-Frühschobbe im September, un der hat uns ei’glade nach München um dort am 7. September 2008 bei seim Literarisch-Satirisch-Musikalische Mundartfrühschobbe im Fraunhofer-Theater zu lese. Mir werre die Glegehoit nadierlich gern wahrnemme un uns a mol außerhalb von unserm gwohnde Dialekt-Umfeld bräsendiere. Mol gugge, was die Münchner dezu sare. ’s Bier dort im „Fraunhofer“ isch jedenfalls gut un die Weißwärscht, wo’s in de „Halbzeit-Paus“ gebt, sin a net zu verachde. Also mir froie uns uf jeden Fall un sin a e bissle schdolz, wenn der verschdehnt, wasse moin.

For die, wo de Weg nach München zu weit isch, gebts a noch Glegehoit am Freidag, 14. März (20.00 Uhr), odder am Samschdag, 15. März (19.00 Uhr) odder am Sonndag, 16. März (17.00 Uhr – ab 16.00 Uhr gebt’s Kaffee un Kuche) de Martin un de Roland in eme selwer gschriwwene Theaderschdickle mit dem vielsagende Titel „’s Erbdande-Drama“ im Gemoindehaus Nord zu sehe. Karde gebt’s demnägscht an de bekannde Vorverkaufsschdelle in Neeret (Molnar, Kastner, Musiklädle) odder in Eggschdoi (Geigle). De Roland un de Martin schbiele nadierlich net elloi, es isch widder die bewährde Truppe vom Kerchechor debei. Awer wenn der kommed, bringet Daschediecher mit, weil’s werd scho arg dramadisch

Also, mer sieht sich …

Pfuhse (Neereder Kompendium, Doil 18)

Heit am Fasenachts-Dienschdag gebt’s widder e bsonners scheens Neereder Wörtle for’s Kompendium: „pfuhse“.

Des kann zum Beischbiel sei, wann sich ebber üwer ebbes furchtbar uffregt un d’ Bagge ufblost, nort muss die Luft a widder raus, un dodezu duht mer „pfuhse“. Pfuhse isch quasi so e Art Luft-ablasse. Wenn mer en kapudder Fahradschlauch fligge duht, muss mer erschd emol rausfinne, wo des Löchle isch wo d’ Luft rausgeht. Do nemmsch e Wännle mit Wasser, duhsch de Schlauch uffbumbe un drückschen in des Wasser nei. Wenn dann die Schdell mit dem Löchle kommt, nort pfuhst’s un Wasserbläslen schdeige uf, fascht wie wemmer in de Bad’wann en… na ja, des kenneder eich selwer denke.

Uf jeden Fall glab ich, dass dir jetzt wissed, was „pfuhse“ bedeit’, un des isch doch a scho ebbes, odder?

Also, Adschee bis zum nägschde mol un e scheene Fasenacht noch sagt eich

de Roland

Abrobbo Fasenacht: Neeret isch grad net als Fasenachtshochburg bekannt, obwohl jo en Haufe Moinzer do wohne, awer so e Art Schdrohßefasenacht hat’s als a gewe, wenn die junge Kerl von de Schbortveroi als Schlumble midem Ziegwäggele dorch de Ort gezoge sin un Ooier un Kiechle bei de Leit gebeddld hen.

Dene hemmer als Kinner ganz mudich hinnenooch g’rufe „Fasenachder, ging, ging, ging“, un wenn se sich dann rumgedreht hen, isch mer schdaabaus un hat Fersegeld gewe. So war des g’west.