Liewe Leit, nachdem unser Erbdande-Theaderschdückle mittlerweile a scho widder Vergangehoit isch (’s war en scheener Erfolg –am Sonndag war’s so voll dass mer Leit widder hen hoim schicke müsse- un alle wo do ware un e Blätzle griegt ghat hen, ware begoischderd un zum Doil sogar enthusiasmiert) gugge mer, was uns die Zukunft bringt:
Am Sonndag, 30. März, morjeds um Elfe (Achdung: Zeitumschdellung!) isch unser nägschder literarisch-musikalischer Mundart-Frühschobbe in de „Trauwe“. Zu dem Thema „Dehoim un drauße“ gebt’s bschdimmt widder Oiniches zu sage, sowohl von uns als a von unsere Gäscht. Do isch unner annerem e Original-Nordlicht aus Mecklenburg-Vorpommern debei un werd uns demonschdriere, wie sich so e Gschicht uf „plattdeutsch“ aheert. Awer unser eihoimischer Dialekt kommt a net zu korz un vielleicht schbielt jo a de Simon e schbezielle Version von „Muss i denn …“ (des hen vor ihm a schon annere berühmde Künschdler g’macht; ich sag bloß „Elvis“).
Also in dem Sinn: Bis zum Sonndag in de „Trauwe“. Mir dehde uns froie, un d Renate bschdimmt a J
Ihr wisst jo: Schdammdischbrieder sin wie Briefdauwe. Wenn se fort hogge, komme se regelmäßich zu ihrem Schlag.
