En Haufe Zeigs

So, liewe Leit, jetzt geht’s widder weider im Tegscht. Heit hewwe für eich e paar Bilder, e Gedicht, e Rezept un neie Uftrittstermine im „Eggschdoiner Gockel“. Fange mer vorne a. Die Bilder sin bei ere Lesung uf dem Campingplatz „Italy“ in Cavallino entschdanne. Des Gedicht un des Rezept als „Nachklapp“ zu unserm Venedich-Bsuch un die Termine hewe midem Rudi Banghard so abgschbroche:

.

.

Jetzt als nägschdes mei Venedich-Gedicht: „O Mole Sio“

O Mole Sio

Venedich, die Perle am idalienische Meer,

des isch e Schdadt, die hat e ganz oigenes Flair.

Do hubbe koi Audo, do quietsche koi Roife

un jeder duht schdändich e Schwimmwescht mitschloife.

.

Do sehts aus wie vorm Krieg bei uns ufem Land,

wo nach jedem Reje d Schdrohß unner Wasser schtand.

Bloß –lend me eich jetz grad des noch verklickere-

duht en Venedich des Wasser üwerhaupt net versickere.

.

Im Gegedoil, manchmol schwappts sogar owenaus,

dann kannsch mit de Gondel gondle dorchs oigene Haus,

odder e Forellezucht a’lege im Keller drunne,

oiner hat sogar mol em Schiller sein Becher dort unne gfunne.

.

Gschichtlich ghört Venedich unner de Schdädt zu de Alde

un hat sich scho Johrhunnerde lang üwer Wasser ghalde

un die Tourischde schdelle fescht, geblendet vom Glanz,

a in Venedich hats noch viel alde Bausubschdanz.

.

Kerche zum Beischbiel hats dort u`hoimlich viele,

do findsch Barock-, Renaissance- un annere Schtile,

Paläscht hats un Ville im Wert ganz erheblich,

bloß e Schdrohßebauamt suchsch dort em Rothaus vergeblich.

.

Defor hats Gondoliere, wo de Tourischde e Schtändle bringe

un uf de Gondel beim Gondle noch „O sole mio“ singe,

Venezianischer Karneval mit Maske un Konfetti,

Dauwe ufem Markusplatz un de Commissario Brunetti.

.

In de Doge-Palascht musch noch nei un uf de Campanile gehe,

do könnschtsch johrelang gugge un hättsch noch net alles gsehe.

O Venedich, du Schdadt mit de Fieß dief im Wasser,

in dir widder zu Verweile wünscht sich der Verfasser.

.
Komme mer zum Rezept.

Des isch e neis Cocktail-Rezept, wo ich „Venezianisches Lagune-Wasser“ gedauft heb (ich heb des dort zwar net perseenlich browiert, awer ich glab, meins schmeckt besser).

Dodezu braucht mer

2 Doil weißer Rum

1 Doil Amaretto

1 Doil Grüner Banane’likör

un 1 Doil Zitronesaft (mol widder de Hitchcock).

Des werd im Shaker mit Eis gut dorchenanner gschiddlt un in e Sektglas bis zume Verdel odder Drittel abgosse. Dann bloß noch mit gut gekühldem trockenem Sekt uffülle, zrücklehne, an Venedich denke un genieße

.

Jetzt noch gschwin’ die neie Termine zum Vormerke, dann hemmers widder gschafft für heit:

Samschdag, 31.10.2009 – Mundart-Owed mit de GROOVE ROOTS un de Alt-Neereder Schul (un de Eggschdoiner Uschi)

Samschdag, 12.12.2009 – RUDI & FRIENDS (besinnliche Lieder un Mundart-Gschichtlen).

.
So, des war’s awer jetzt.

Adschee

sagt de Roland

Schbargle mit Rucola

Liewe Leit,

die lang ersehnte  Schbargelzeit hat widder agfange un wie sich’s gheert, gebts a widder e nei’s Lieblings-Schbargel-Rezept von de Alt-Neereder Schul for die Saison: Schbargel mit Rucola. Mir hen nemlich em Garde en scheene Rucola-Busch, un weil mer den a gern esse (ohne de Karlleinz – bei dem griege des bloß sei Hase), hemmer denkt, des müsst mer doch kombiniere könne. Un siehe da, es geht. Un zwar so:

E Pfun Schbagheddi (mir hen den griene Schbinat-Schbagheddi gnomme) werd bissfescht, odder wie de Idaljehner sagt „al dente“ in schbrudelndem Salzwasser abkocht. Ich duh als a immer noch en orndliche Schuck von dem idaljenische Schbagheddi-Gwürz, wo de Martin jedes Johr en Pfingschde aus Idalje mitbringt ins Kochwasser. Uf derre Dos schdeht druf: „Sapore Vero – Condimento per pasta Aglio, Olio, Peperoncino.“  Des macht des Ganze e bissle pfifficher. E Kilo Schbargle werd je nach Mundgröße zurechtgschnidde (nochem Schäle!) un in Olive-Öl agebrode. Gwerzd werd mit Pfeffer, Salz un dem Saft von annerthalb bis zwoi frisch ausgegwedschde Limone. Dann komme die Schbagheddi dezu (dir sehet, do braucht mer schon e große Pfann) un alles werd schee dorchenanner“gwergelt“, notfalls noch emol e bissle Pfeffer un Salz driwwer. Un wenn der eich jetzt alle froget: „Was isch midem Rucola?“ Nar koi Sorg. Der kommt jetzt. Wenn zum Schluss alles uf die Deller verdoilt isch (scheene große Paschda-Deller) kommt de kloigschniddene Rucola driwwer. Dann noch en frischgriwwener Parmesan un nort kanns los geh. Mir hen dezu en franzeesische Weiße ausem Languedoc getrunke, en Picpoul de Pinet. Awer wenn der so oiner net grieget, duhts a de Ochserohr (Auxerrois) von Wengerde.

En gude Abbedid wünscht eich

de Roland

Übrichens: Des Gedicht zum Schbargel finneder dohin em Blog unnerm 28. April zwoidausendacht.

Familie-Fescht usw.

Geschdern hemmer mol widder unserm David sein Gebortsdag gfeiert.

Alle wo könnt hen, hen sich versammelt, weil se gwisst hen, s gebt widder ebbes Gut’s.

Un so war’s jo dann an. Bevor’s midem Esse los gange isch –broide Nudle mit Soß un Schbießbrode vom Hartmut aus Eggschdoi, dezu noch griener Salat, geeler, simmer ufem Schessloh gsesse un hen Kanapees gfuddert (Blädderdoigschnegge mit Lachs un Kräuder – für des Rezept binne net zuschdändich, die hat mei Fraa gmacht) un dezu hemmer en Aperitiv gschlebbert nach eme neie Rezept von mir.

 

Ich heb den Cocktail Davids Schleuder-Traum(a) gedauft (weil jo de David oigentlich gar koin Alkohol trinkt), un weiler so gud gschmeckt hat –s isch alles ratzebutz weggebutzt worre- wille eich des Rezept nadierlich net vorenthalde.

 

Die Mischung beschdeht aus insgsamt 15 Doil un setzt sich wie folgt zsamme:

 

• 5 Doil Johannisbeerlikör
• 2 Doil Gin

un

• 8 Doil Oraschesaft

 werre gepflegt mitenanner zsammegschiddelt un in e Sektglas, verdels bis halwer voll, gfüllt. De Rescht vom Glas werd dann mit Sekt ufgfüllt un des Ganze a’dächdich genosse.

 

Also, wenn der wellt, könne deren nochmache un ewefalls genieße. Awer Vorsicht weggerem „Schleuder“-Traum(a)

 

sagt de Roland

Do hen der de Salat

Ich heb eich jo s letschd mol e Gedicht verschbroche. Mol gugge, ob eich des zusagt.

Geschdern owed hewe denkt, weil doch Sommer isch, esch halt en Salat. Nort hewe mol gsichdet, was noch alles dehoim war, un rauskomme isch dann en

 

Griener Weißworscht-Salat á la Romana

 

Un der geht so:

Romana-Salatherze butze, wäsche un trocke schleidere. E Salatsößle a’riehre aus sießem Senf, do kammer ruhich en orndliche Hieb nemme (des muss koin Händlmayer sei, ich heb en selwer g’machder g’hat wo mer mol gschenkt griegt hen), Olive-Öl, Ungarisches Pußta-Öl mit Piri-Piri, Dattel-Balsam, Accetto Balsamico, Pfeffer un Salz aus de Miehl und alles gut vermische. En de Zwischezeit die Weißwärscht im hoiße Wasser (s derf nemmeh koche) ziege lasse. Jetzt de Salat in e scheene Schissel (das Auge isst mit!), die Salatsoß driwwer un alles gut dorchenanner mache. Die hoiße Weißwärscht enthäute un in Scheiwe schnibble. Die komme dann zum Salat un werre a noch mit dorchenanner g’mischelt.

Des war’s oigentlich schon gwest. Do kammer dann noch dezu die oind odder anner Brezel esse (wer noch ebbes für sei G’sundhoit duh will, kann a noch Budder druf schmiere) un des oind odder anner Hefewoize trinke.

Ich kann eich sare, des isch e Gedicht ….

 

Übrichens: Echde Gedichte gebt’s zum Beischbiel am Samschdag, 23. Auguscht ab de Neine oweds im „Eggschdoiner Gockel“. Do schbielt de Rudi Banghard mol widder sein Country un Blues un mir sorje für’s mundartlich-literarische Niveau debei. Ich heb a noch extra en „Neereder Blues“ gschriwwe un wenn sich de Rudi den bis zu dem Samschdag druf schaffe kann, werdern do –sozusare als Premiere- vortrare.

 

Also!! Net verbasse!!

 

Adschee bis dort na sagt

de Roland

KAMUNA

Morge owed isch jo in Karlsruh mol widder die KAMUNA, die Karlsruher Museums-Nacht. Un weil des so en kultureller Event isch, kann sich die Alt- Neereder Schul schlecht raushalde, zumal mich de Michael, unser Schauschbieler-Kolleg, um en Gfalle gebede hat. De Michael isch in de Schdädtische Galerie für de Sektschtand zuschdändich un hat gmoint, des wär doch e gude Gelegehoit, unser diverse Alt-Neereder Schulcocktails unners kuldurelle Volk zu bringe. Schmegge duhn se jo gud, des hat mer schon jeder beschdädicht, wo se versucht hat, un des Gläsle for zwoi Euro isch a net üwerbezahlt.

Also, gehnd nor zahlreich na un nemmet em Michael unser Cocktails ab, weil mit so emme Cocktail em Bauch isch die ganz Kuldur noch emol so gut.

Übrichens isch a en neier Cocktail mit em Agebot, wo e s Rezept bisher noch net veröffentlicht ghatt heb, weil en erscht jetzt frisch erfunne heb for die Hochzich von unsere oinzichschde Dochder.

Der nennt sich „Brautvadders Hochzich-Dröpfle“ un geht so:

• 1 Doil von dem bekannde Orasche-Cognac-Likör (die Flasch war do un der hat weg gmisst)
• 1 Doil Zitronesaft (frisch gepresst odder de „Hitchcock“ aus em griene Fläschle)
• 4 Doil Campari
• 8 Doil Blaubeersaft (do hewwe beim ALDI en ganze Kardong mitgnomme ghat, zur Not geht a Cranberry-Saft – des isch dann gleichzeidich a noch gsund bei Harnwegs-Probleme)

gut vermische un e Sektgläsle zu eme Drittel bis halwer (je nach Gschmack) fülle un mit Sekt ufgieße. Wenn mer koin Sekt do hat, kann mer des Gemisch a so trinke, dann schmeckts genau so wunderbar.

So des wars erscht mol widder, mer solls net glei üwertreiwe nach so ere lange Zeit (de Hochzich-Schdress …), awer s nägscht mol kommt dann a widder e Gedichtle. Verschbroche!!

Adschee bis dort na sagt

de Roland

un net vergesse: am 14. September isch Mundart-Frühschobbe, do werre mer e bissle was verzehle von unserm Uftritt in München im Fraunhofer-Theater (07.09.2008 –www.helmut-eckl.de), un am 21. September isch e Benefiz-Lesung von uns oweds em Siwwene im Kinnergarde-Neibau St. Heinrich und Kunigunde in Kirchfeld in de Moldau-Schdrohß.

En gude Rutsch

ins neie Johr zwoidausendacht wünscht eich die Alt-Neereder Schul. Un dass des midem „rutsche“ a gut klappt gebt’s noch e Rezept for en Neijohrs-Cocktail dezu. Des isch de „ANS“- Neijohrscocktail un der geht so:

3 Doil Bitterorasche-Cognaclikör triple sec (ich heb den „Chadess“ vom Aldi gnomme),

• 2 Doil weißer Bacardi-Rum,
• 5 Doil Oraschesaft.
• Sekt zum Uffülle.

Des Ganze (ohne de Sekt) wird zerscht emol imme Mixbecher schee dorchenanner gschüddelt un dann in Sektgläser g’schütt (so dass des Glas u’gfähr zu eme Drittel gfüllt isch – je nach G’schmack kammer a noch ab un zu gewwe). Jetzt noch mit Sekt uffülle un je nach Beliewe noch e Physalis an de Rand schdecke, z’rücklehne un genieße

Viel Schbass beim Nochmache un e gudes Neies Johr wünscht eich

de Roland

Unser Schultermine für’s neie Johr werre mer s’ nägscht mol bekannt gewwe, soweit mer se selwer schon wisse. Unser erschder Uftritt isch übrichens glei am achde Januar oweds um halwer achde im Gemoindehaus Neureut-Süd als Lesung beim Fraue-Krois Neureut-Süd.

Ach ja, un „ANS“ – des isch die Abkürzung für d’ Alt-Neereder Schul.

Sonnewerwele (zum Zwoide; un e Rezept)

Ja, mit de Sonnewerwele binne doch net so schnell durch wie e z’erscht gmoint heb. De Karlheinz hat mer noch a’gmerkt, dass mer die Sonnewerwele vor em A’mache immer gründlichscht!  wäsche soll, weil mer sonscht nämlich beim Esse e Sandgrieb in de Gosch hat un de Martin hat mer noch e weidere Bezoichnung für die Sonnewerwele g’liffert -un des beziegt sich u’middlbar uf die Aussag vom Karlheinz- er nennten nämlich a gern „Gnarfelsalat“, weil’s beim Esse immer so zwischer de Zähn gnarfelt.

Dass die Schweizer zu de Sonnewerwele „Nüsslisalat“ sare un dass a die Bezoichnung „Mause-Öhrlen“ geläufich isch, hawe mitllerweile a mitkriegt.

’s Oinzichscht was jetzt noch fehlt isch e Rezept . Un des geht so:

 „Sonnewerwele-Salat á la Alt-Neereder Schul“ 

Für uns viere rechne mer

200 g Sonnewerwele

100 g Schbeck (in Werfl gschnidde)

100 g ausg’lösde Neereder Walnuss-Kern

4 Salatgrombiere („Belana“ odder „Selma“), middlere Greeße

4 kochde Oier (zwoi un zwoi in oinere Roih J)

4 Knowwlich-Zehe

2 kloine Zwiwwle (Schalodde)

Essich (wenn’s geht, nemmt mer Walnuss-Essich)

Öl (Kürbiskern- odder Trauwekernöl)

Pfeffer un Salz aus de Mühl

Die Grombiere un die Oier duht mer (getrennt vonenanner) abkoche un de Schbeck un die kloigschniddene Zwiwwle schee glasich a’brode. Die Sonnewerwele werre gründlichscht! (s.o.) g’wäsche, en de Salatschleider drogge g’schleidert un uf vier diefe Deller verdoilt. In jeden Deller werd oin Knowwlich-Zehe dorch d Knowwlich-Press neigedrickt. Die kochde Grombiere un die Oier werre gschält, in mundgerechte Schdicker gschnidde un zsamme mit dem a’gebrodene Schbeck un de Zwiwwle noch warm uf die vier Sonnewerwele-Deller verdoilt. Öl un Essich im Verhältnis drei zu oins mische, mit Pfeffer un Salz abschmecke un üwer de Salat gewwe. Zum Schluss komme noch die Nüss, wo mer in de Zwischezeit in de Schbeck-Zwiwwl-Pfann a’gröschded hat, owwedrüwer. Dezu gebt’s leicht getoaschdedes Sonneblumebrot (wer’s vertragt kann sich a Budder druf schdreiche, wer’s net vertragt muss halt de Budder schdreiche) un en gepflegde badische Ochserohr (gschriwwe werd des Auxerrois), zum Beischbiel en „Jöhlinger Hasensprung“ aus Wengerde (Winzergenossenschaft Weingarten).

En gude Abbedid wünscht eich

de Roland

Neereder Pause-Wässerle

Liewe Leit,

die wo sich devor intressiere, wisse ’s wahrscheinlich schon, awe ich sags liewer trotzdem noch emol:

Am 3. November isch unser nägschter Mundart-Owed!

Samschdag oweds ab em Siwwene im Gemoindehaus Nord. Mir hen seit unserm letschde Mundart-Owed widder oiniche neie Sache uf Lager, die mer do zu Gehör bringe welle.

Nachdem beim letschde mol unser Alt-Neereder Schul-Cocktail so gut akomme isch, hewe mer a in derre Richdung widder was üwerlegt un mir ein sogenanntes „Neereder Pause-Wässerle“ eifalle lasse. Un des geht so:

Man nehme:

4 Doil Oraschesaft

3 Doil Birne’likör

2 Doil Gin

1 Doil Martini (de extra drockene)

1 Doil Zitrone’saft

un oin Schbritzer Angostura bitter.

Des Ganze werd dann entwedder im Glas verrührt odder im Shaker gschüddelt un imme Becherglas uf Eis odder im Champagnerkelch mit Sekt ufg’füllt serviert un genosse.

Ich muss sare, ich heb boide Variande ausbrowiert un die sin boide gut.

So, un wer will kann sich jetzt vorab schon emol zur Eischdimmung uf de 3. November so e Pause-Wässerle gönne.

Karde geb’ts übrichens wie jedes mol bei de Frau Kastner in de alde Friedrichschdrohß, beim Schreibware-Molnar im Bäreweg odder beim Musiklädle im Zinke.

Also, mer sieht sich.

Adschee sagt de

Roland

En scheener Kees

Der Sommer soll jo jetzt ageblich rum sei, awer vielleicht gebts jo doch noch e paar scheene Däg, wo mer zum Esse drauße sitze kann. Un wenn der net wissed, was der dann do esse sollet, könne mir eich en kloine Ernährungstipp gewe, quasi frisch aus de „Alt-Neereder Schulküche“:

Des Rezept isch oigentlich alt un bekannt, awer mir hen des e bissle abgwandelt, immer im Hi’blick uf unser großes Vorbild un Idol, de Robert Gernhardt, der sich jo bekanntlich gern in Idalje in de Toscana ufghalde hat. Demendschbrechend inschbiriert hemmer uns ans Werk gmacht un rauskomme isch de

Handkees „Alt-Neereder Schul“ mit Pfiff.

Des Rezept isch berechend für 4 Persone (de Simon, de Karlheinz, de Martin un ich) un dodezu braucht mer

• Handkees (je nachdem hunnerd bis hunnerdfuffzich Gramm pro Person)
• Zwiwwle (als druff, die sin jo net so deier)
• Olio Olivio extra vergine con Limone (Olive-Öl mit Zitron odder Limone)
• Accetto Pomodore (Tomade-Essich)
• Grienzeigs (Basilikum, Schnittlauch, Peterling, was grad um de Weg isch).

Un so werds gmacht:

De Handkees werd in Scheiwe gschnidde un schbiraleförmich von inne agfange uf eme Deller odder ere scheene Platt ausglegt. D Zwiwwle werre gschnidde (wie mers mag, Werfel odder Ring) un üwer de Handkees geezeddeld. Dann kommt des Olive-Zidrone-Öl drüwwer (großziegich, net schbare) un hinnerher noch de Tomade-Essich. Jetzt lasst mer des ganze erscht noch e bissle schdeh zum Dorchziege un bevor mers serviert kommt noch logger aus em Handglenk des Griezeig driwwer.

Trinke kammer dezu e gepflegts Pils aus Karlsruh odder en Weißburgunder aus Wengerde.

Jetzt noch e scheens kernichs Baurebrot mit Budder druf un en guder Abbedidd wünscht eich

de Roland

Danke, danke, danke!!!!! (un e Rezept)

unser „zwoider Neereder Mundart-Owed“ isch jetzt a schon widder Geschichte un uns bleibt bloß noch, uns zu bedanke.

E großes Dankschee an unser Publikum, wo so begoischdert mitgange isch. ’s war en herrlicher, langer Owed am 18.11. – Mundart XXL, sozusare. Leit ware grad gnug do. Die wo debei ware, wisses. Die annere wo’s verbasst hen, hen halt Bech ghatt. Naja vielleicht glabbts jo beim nägschde mol.

Dankschee a an unser Üwerraschungsgäscht, die den Owed mitgeschdaldet hen: De Boris Meinzer, der loider in de Paus scho widder fort gmisst hat zu seim nägschde Termin un unser „Schwane-Ritterin“ aus Eggschdoi, die Uschi Erndwein. Des war super, was dir gmacht hend. Vielleicht gebt sich jo mol die Glegehoit, dass mer widder ebbes zsamme mache könne.

Dankschee an de Wolfgang, der für uns den Owed widder professionell ufgnomme hat, so dass mer widder e scheene CD draus mache könne. Mir gugge, dass mer’s vor Weihnachde noch uf d Roih kriege.

Dankschee an die Gemoindejugend für de Verkaaf von Eitrittskarte, Bücher un Getränke un net zu vergesse für’s Saal richde un schbäter alles ufraume.

Dankschee an de Herr Pfarrer Hildbrand, dass er uns (in net ganz selbschtloser Weise) sein Gemoindesaal zur Verfügung gschdellt hat.

So, un wie verschbroche jetzt a noch des Rezept von unserm Leib- un Mage- Cocktail, de „Alt-Neereder Schulspeisung„:

3 Doil Campari2 Doil Cointreau4 Doil Oraschesaft

4 Doil Gräppfruttsaft

2 Doil Zitronesaft

werre im Shaker uf Eiswerfel gut gschiddelt un in e Sektglas gschütt. Des Glas sott zu eme Drittel bis halwer (je nach perseenlichem Gschmack) gfüllt sei.

Des Glas werd dann voll mit Champanjer (odder emme annere trockene Johrgangssekt) uffgfüllt.

Jetzt könnt mer des Getränk oigentlich scho genieße. Ob mer a e Dekoration verwendt, isch Asichtssach („Des Aug trinkt mit“ – deßzweg sott mer a vor em Trinke de Löffel aus em Glas nemme). Zu dem Zweck schdeckt sich de Aeschthet gehrn e (ugschbritzte) Oraschescheib an de Glasrand.

Schbäteschdens jetzt awer sott mer des Glas im zügiche Tempo leer mache, bevor de Inhalt zu warm werd.

Den Vorgang kammer dann beliebich oft widderhole.

Bei längerem Genuss kann awer die Gfahr der Abhängichkoit drohe. In dem Fall empfehlt sich e Gschbräch mit Ihrem perseenliche Suchtberoder.

Viel Vergniege beim Trinke un beim Nochmache wünscht

Die Alt-Neereder Schul.Proscht!!!!Des war jetzt so viel Texscht, dass koin Platz meh isch für e Gedichtle. Des kommt ’s nägscht mol widder dezu. Also gugget halt als ab un zu rei (un leset so lang die alde noch emol).

Tschüss, servus, Adschee

Die Alt-Neereder Schul